Abaı oblysynyń qylmystyq ister jónindegi mamandandyrylǵan aýdanaralyq soty ekologıa, geologıa jáne tabıǵı resýrstar mınıstrligi orman sharýashylyǵy jáne janýarlar dúnıesi komıtetiniń "Semeı ormany"  tabıǵı rezervatynyń basshylyǵyna qatysty úkimin jarıalady.

"Memlekettik mekemeniń úsh basshysy uıymdasqan qylmystyq top quryp,  kásipkerlerden júıeli túrde 700 myńnan 13 mıllıon teńgege deıingi somada para alǵan. Olar rezervat aýmaǵynda sanıtarlyq tazalaý men aǵash kesýge ruqsat bergeni, memlekettik satyp alý jónindegi sharttarǵa kedergisiz qol qoıǵany úshin para alǵan" – delingen habarlamada.  

Rezervattyń úsh basshysy da on jylǵa sottaldy. Al para berýshi bes adam kináli dep tanylyp, bir jarym jyldan úsh jarym jylǵa deıin bas bostandyǵynan aıyryldy.

Barlyq sottalǵan adamdar memlekettik qyzmette, jergilikti ózin – ózi basqarý organdarynda, qarjy uıymdarynda jáne kvazımemlekettik sektorda qyzmet atqarý quqyǵynan ómir boıyna aıyrylady.

Úkim zańdy kúshine engen joq.