Bıznesti ashý jáne ony júrgizý rásimderi jeńildetildi. Azıa jáne Tynyq muhıty aımaǵyn damytý ınstıtýttary qaýymdastyǵynyń (ADFIAP) 46-shy jyl saıynǵy jınalysy. 

- «Ortalyq Azıanyń ınvestısıalyq tartymdylyǵy» atty sesıasynda QR UEM Investısıalyq saıasat departamentiniń dırektory Álıa Esdáýletova Qazaqstandaǵy ınvestısıalyq belsendilikti yntalandyrý tetikteri týraly aıtyp berdi, dep habarlaıdy Almaty-akshamy.kz.
 
Elimizdiń ınvestısıalyq tartymdylyǵyn arttyrý úshin ne jasaldy:   

– QR-da ınfraqurylymdy jáne ınvestısıalyq preferensıalardyń keń spektrin usynatyn 14 arnaıy ekonomıkalyq jáne 33 ındýstrıalyq aımaq jumys isteıdi

– Bıznesti ashý jáne ony júrgizý rásimderi jeńildetildi  

–  Basym sektorlarda jumys isteıtin kompanıalar salyqtar men kedendik bajdardan bosatylyp, zattaı grant, ınvestısıalyq nesıe, jumysqa jeńildetilgen ruqsat alady

– Investorlar jobalardy iske asyrý kezinde Úkimetpen ınvestısıalyq kelisimderge qol qoıyp, qoldanystaǵy zańnamalyq sharttardyń ózgermeıtindigine kepildik alady. Bul tetik iri jobalarǵa jeke qarajat tartýǵa baǵyttalǵan  

Búgingi tańda turaqty normatıvtik quqyqtyq baza jáne ınvestısıalyq qyzmet úshin qolaıly jaǵdaı jasalǵan. Bul ótken jyly buryn-sońdy bolmaǵan tikeleı sheteldik ınvestısıalardy tartýǵa yqpal etti - $28 mlrd. Bul sońǵy 10 jyldaǵy eń joǵary kórsetkish.   

«Sondaı-aq zańnamada taýar óndirýshi kásiporyndarǵa salyq zańnamasynyń 10 jylǵa turaqtylyǵyna kepildik beretin ınvestısıalyq mindettemeler týraly kelisim jasasý múmkindigi kózdelgen. Óz kezeginde, ınvestor óndiristi iske qosýǵa nemese jańǵyrtýǵa qarajat salýǵa (keminde $500 mln), qazaqstandyq kadrlardy oqytýǵa mindetteledi», - dep naqtylady Á.Esdáýletova.

MJÁ (memlekettik-jekemenshik áriptestik) tetikterin qaıta júkteý úshin tıisti Zańǵa túzetýler engizildi. Endi barlyq jobalar konkýrstyq rásimderden ótedi. Bul olardyń sapasyn arttyrady. 

Jalpy, ınvestısıalyq ahýaldy odan ári jaqsartý úshin QR ınvestısıalyq saıasatynyń jańa Tujyrymdamasy bekitildi, 76 elmen vızasyz rejım ornatylǵan. Investısıalyq Ombýdsmen ınstıtýty jumys isteıdi. Bıznesti jaýapty júrgizý standarttaryn jáne EYDU-nyń (Ekonomıkalyq yntymaqtastyq jáne damý uıymy) basshylyq qaǵıdattaryn ilgeriletý úshin Qazaqstanda QR UEM janynan Ulttyq baılanys ortalyǵy quryldy.