Almatydaǵy Saıası qýǵyn-súrgin qurbandaryna arnalǵan eskertkish ornalasqan saıabaqqa belsendiler jınaldy. Belsendiler arasynda  Inga Imanbaı men "Dempartıa" músheleri de bar.  Narazylyqqa shyqqandar "Qytaı ekspansıasyna jol joq" degen plakattar ustap alǵan. 

“Búgin ótkendi eske alý kúni ǵana emes, qazirgi saıası qýdalaý men sol qýdalaýdyń qurbany bolǵandarǵa bostandyq talap etetin kún”, - dedi Inga Imanbaı.

Qalada qaýipsizdik sharalary kúsheıtilgen. Internet jaı istep tur. Sondaı-aq Respýblıka alańy mańynda polısıa qyzmetkerleriniń sany kóp. 

Buǵan deıin "31 mamyr" qoǵamdyq komıtetiniń belsendileri sársenbi kúni qalada sherý jasap, jurtty Jeltoqsan alańyndaǵy aza tutý mıtıńin ótkizetinin aıtqan bolatyn. Al prokýratýra atalǵan mıtıńiniń zańsyz ekenin, beıbit jıyn týraly zańnamany buzǵandar 25 kúnge qamalatynyn eskertti.

Sonymen qatar, búgin mıtıń ótkizbek bolǵan belsendilerdi polısıa úılerinen shyǵarmaı otyr, dep málimdedi quqyq qorǵaýshy Andreı Grıshın áleýmettik jelilerde. "31 mamyr" qoǵamdyq komıteti polısıa áreketine qatysty úndeý jarıalap, belsendilerdi sherýge jiberýdi talap etti.