Úshinshi ret qamaýǵa alynǵan jýrnalıs Dýman Muhammedkárimniń ákesi ashtyq jarıalap, prokýratýra ǵımaratynyń aldyna jaıǵasty. 

Ol buǵan deıin ulyn bosatýdy talap etip, talaby oryndalmasa ashtyq jarıalaıtynyn aıtqan. Almaz Tilepovty qoldaǵan onshaqty belsendi de prokýratýra aldyna jınaldy.

Tilepov ulyn bosatqansha prokýratýra aldynda ash otyratynyn málimdedi. Alaıda búgin tańerteń qorǵaýshysymen jolyqqan uly oǵan "Áke, ashtyǵyńdy toqtat. Úıge qaıt" – dep hat jazǵan.

"Balamnyń ózi túrmede ashtyq jarıalap otyr. Biraq meni aıap, úıge qaıt deıdi. Biraq men ulymdy kósheden bas-kóz joq, zańsyz ustap áketken quqyq qorǵaý organdarynyń qyzmetkerleri keshirim suraǵansha toqtamaımyn" – deıdi Almaz Tilepov.

Derekkóz: Azattyq radıosy