6 maýsym kúni Panfılov aýdanynda sońǵy eki kúnde habar-osharsyz joǵalyp ketken jasóspirim qyzdyń máıiti Áýlıe aǵash aýylynan 2-3 shaqyrym jerde Buraqojyr ózeniniń arnasynan tabyldy.

Polıseıler qajetti saraptamalardy taǵaıyndaı otyryp, bul óliminiń barlyq mán-jaıyn muqıat tekseredi. 

Oqýshy qyzdy izdeýge Panfılov aýdandyq polısıasynyń jeke quramy qatysty. Sondaı-aq izdestirý is-sharalaryna oblystyq departamenttiń qyzmetkerleri, áskerı qyzmetshiler, jergilikti turǵyndar, ákimdik qyzmetkerleri, mektep oqytýshylary men eriktiler (200-den astam adam) qosyldy. İzdeýde júrgen jasóspirim qyz týraly aqparat jaqyn mańdaǵy polısıa bólimshelerine jiberildi, BAQ pen áleýmettik jelilerde ornalastyryldy.