Qasym–Jomart Kemeluly Toqaev 2019 jyldyń 20 naýryzynda Qazaqstan Respýblıkasynyń Prezıdenti bolyp saılandy. Toqaev el prezıdenti retinde sońǵy bes jylda Qazaqstanda tórt ret aza tutý kúnin jarıalaǵan.
• Olardyń alǵashqysy – 2020 jyldyń 13 shildesindegi koronavırýs pandemıasyna baılanysty aza tutý kúni. Resmı statısıkaǵa súıensek, koronavırýstan Qazaqstanda 13 848 adam qaza tapqan.
• 2021 jyldyń 26 tamyzynda Jambyl oblysynyń Baızaq aýdanynda oq–dáriler qoımasyndaǵy órt pen jarylys oryn alyp, Qazaqstan Respýblıkasynda jalpyulttyq aza tutý jarıalandy. Jarylys kesirinen 17 adam qaza taýyp, 98 adam jaralanǵan. Osy oqıǵadan keıin Qorǵanys mınıstri Nurlan Ermekbaev óz erkimen otstavkaǵa ketken bolatyn.
• 2022 jyldyń 10 qańtarynda elimizde "qańtar oqıǵasyna" baılanysty jalpyulttyq aza tutý kúni jarıalandy. Resmı statısıkaǵa súıensek, qańtardaǵy jappaı tártipsizdik kezinde 238 adam kóz jumǵan. Olardyń arasynda 4 jasar Aıkórkem Meldehan da bar. Qańtar oqıǵasyna baılanysty sot prosesteri áli kúnge deıin jalǵasyp keledi.
• 2023 jyldyń 12 maýsymynda elde taǵy da jalpyulttyq aza tutý kúni jarıalandy. Abaı oblysynda bolǵan órtten 14 adam qaza taýyp, bir ormanshy izdestirilip jatyr. El prezıdenti qaza tapqandary "Qurmet" ordenimen marapattady. Qazir órt sóndirý jumystaryna 1500 ge jýyq adam jumyldyrylǵan.
Pikir qaldyrý