İshki ister mınıstri Marat Ahmetjanov burynǵy Tótenshe jaǵdaılar mınıstri Iýrıı Ilınge qatysty is qozǵaý jóninde pikir bildirdi.

"Tergeý júrip jatyr, órt qasaqana qoıylǵan degen nusqa bar. İs arnaıy prokýrorlardyń óndirisine qabyldandy. İİM qyzmetkerleri sol top quramynda. Tergeý nátıjesin kúteıik. Qasaqana órteý, naızaǵaı túsý, nemquraılylyq nusqalary boıynsha saraptamalar men izdestirý is-sharalary júrgiziletin bolady. Tergeýge 2 aı ýaqyt berildi”, – dedi mınıstr.

Sondaı-aq, mınıstr Iýrıı Ilınniń ústinen is qozǵalýyna qatysty suraqqa da jaýap berdi. 

“Prezıdent Bas prokýrorǵa tapsyrma berdi, onyń sheńberinde tekserý júrgiziletin bolady. Órt faktisi – bul tótenshe jaǵdaı, adamdar qaza tapty, sondyqtan qylmystyq is aıasynda tekserý bolady. Nelikten ýaqtyly shara qoldanbady? Múmkin nemquraılylyq, qyzmettik mindetterin oryndamaý”, – dedi Ahmetjanov.