Almaty oblysynda eki mektepti jóndeý barysynda asa iri mólsherde múlikti jymqyrý isi boıynsha tergeý aıaqtaldy.
Qarjylyq monıtorıń agenttiginiń málimetinshe, 2020 jyldyń mamyr aıynda Almaty oblysy Kerbulaq aýdanynyń bilim bólimi men PMK-7K JSHS arasynda jalpy somasy 855 mln teńgeni quraǵan "Sarybastaý" jáne "Qaraǵash" aýyldaryndaǵy eki mektepti kúrdeli jóndeýden ótkizý týraly shart jasalǵan.
Qurylys jumystary kezinde qurylys kompanıasynyń basshysy jobalaý-smetalyq qujattamada kózdelgen jumystardy oryndamaı, oryndalǵan jumystardyń aktilerin jalǵan jasaý arqyly asa iri mólsherde aqsha jymqyrǵan.
"Onyń qylmystyq áreketteri nátıjesinde JSHS-tiń esep aıyrysý shotyna 57,5 mln teńge somasynda aqsha qarajaty zańsyz aýdaryldy. Tergeý nátıjesinde oǵan qatysty qylmystyq is sotqa joldanyp, aıyptaý úkimi shyqty. Sonymen qatar, sottalýshymen memleketke keltirilgen 57,5 mln teńge somasyndaǵy zalal tolyǵymen ótelgen", – delingen habarlamada.
Pikir qaldyrý