Juma kúni keshke Prıgojınniń telegram-arnasynda "eldiń áskerı basshylyǵyna qarsy" búlik bastap, "ádildik ornatatynyn" málimdedi. Ol jurtty "qarsylyq bildirmeı berilýge" shaqyrdy jáne qaramaǵynda 25 myń sarbaz bar ekenin eskertti.  

Reseı Federaldyq qaýipsizdik qyzmeti qarýly búlikke shaqyrǵany úshin "Vagner" jekemenshik áskerı kompanıasynyń jetekshisi Evgenıı Prıgojınniń ústinen qylmystyq is qozǵaǵanyn habarlady. Bul jóninde Reseı Bas prokýratýrasy habarlady.  

Juma kúni Evgenıı Prıgojın "Vagner" jaýyngerlerin artılerıa men áskerı tikushaq kómegimen atqylap jatyr dep Reseı qorǵanys mınıstrligin aıyptaǵan. Onyń aıtýynsha, osynyń kesirinen onyń áskerıleri qaza tapqan.

Biraq eldiń saıası basshylyǵyn basyp alý oıy joq ekenin, "prezıdent bıligi, ishki ister mınıstrligi, úkimet jáne basqa da qurylymdar burynǵy qalyppen jumys isteı beretinin" aıtty. 

Al "Vagner" basshysy sońǵy málimdemesinde Rostov qalasyna kirip bara jatqanyn málimdedi.