Sońǵy málimetke súıensek, "Vagner" áskerleri RF shekarasyn kesip ótip, Dondaǵy Rostov qalasyna kirip, qazir Voronej qalasyna jetken.

"Vagner"  basshysy Rostovta RF Qorǵanys mınıstrliginiń Ońtústik áskerı okrýgynda qorǵanys mınıstriniń orynbasary Iýnýs-Bek Evkýrovpen kezdesken.

Kezdesýde Prıgojın ózderiniń mundaı qadamǵa barýyna Reseıdiń turaqty armıasynyń jaldamalylar lagerlerine tý syrttaryna raketamen soqqy bergenderi sebep bolǵanyn málimdedi.

Ol Rostovqa kele jatqan jolda Reseı qorǵanys mınıstri Sergeı Shoıgýdyń qoryqqannan qaladan qashyp ketkenin aıtty. Sol sebepti ol qorǵanys mınıstriniń orynbasaryna vedomstvonyń basshysy Sergeı Shoıgý men RF Qarýly kúshteri bas shtabynyń bastyǵy Valerıı Gerasımovty ustap berýdi talap etti.

"Reseı áskeriniń Ýkraınadaǵy adam qazasy qujatta kórsetilip jatqandaı emes. Odan 10 ese kóp.  Sondyqtan maǵan Shoıgý men Gerasımovty tapsyryńyzdar. Olarmen ońasha áńgimem bar. Eger sizder olardy osy jerge ákelmeseńizder biz Máskeýge baramyz" –  dedi Prıgojın.

Ázirge Qorǵanys mınıstrligi oǵan jaýap bergen joq.