Talıban basshysy Haıbatýlla Ahýndzada Aýǵanstanstan áıelderiniń quqyǵy qorǵalatynyn málimdedi. Bul týraly The Khorasan diary portaly habarlady.

Onyń aıtýynsha, Talıban rejımi endi aýǵan áıelderin din men dástúrdi jeleý etip, qyspaqqa almaıdy.

"Talıban rejımi áıelderdiń quqyǵyn saqtaı otyryp, neke, muragerlik jáne basqa da quqyqtaryn qorǵaıdy. Islam ámirligi kezinde áıelderdi kóptegen dástúrli qysymnan, sonyń ishinde májbúrli túrde nekelestirýden qutqarý úshin naqty sharalar qabyldandy jáne olardyń sharıǵattaǵy quqyqtary qorǵaý máselesi kóterildi. Sonymen qatar áıelderdiń qoǵam múshesi retinde jaǵdaıyn jaqsartý, olarǵa sharıǵatqa saı jaıly ómir syılaý úshin qajetti qadamdar jasaldy", – delingen Ahýndzadanyń Qurban aıt merekesine arnalǵan quttyqtaý habarlamasynda.

Habarlama arab, darı, aǵylshyn, pýshtý jáne ýrdý tilderinde taratylǵan. 

Ahýndzada áıelderge hıdjab kıýdi mindetteý syndy erejeler joıylatynyn aıtty.

Eske sala keteıik, Aýǵanstanda talıban bılikke kelgeli áıelderge sportpen shuǵyldanýǵa tyıym salynyp, er adamdardan bólek oqýǵa májbúr boldy. Sonymen qatar Talıban Aýǵanstandaǵy áıelderdi hıdjab kıýge mindettep, er adamsyz kóshege shyǵýǵa, jumys isteýge tyıym salǵan.