Almaty garnızonynyń áskerı soty "bılik ókiletin asyra paıdalandy" dep aıyptalǵan Almaty oblysynyń 18 404 áskerı bólimniń qatardaǵy jaýynger Danıar Egembaevty 7 jylǵa bostandyǵynan aıyrdy.

Ony sot zalynda qamaýǵa aldy. Bul týraly Azattyq radıosy habarlady.

Byltyr 8 qańtarda Nurbolat Seıitqulov pen Altynaı Etaeva jáne olardyń 15 jastaǵy qyzy Nuraı Orazhan Taldyqorǵan qalasynda jeke kólikterimen ketip bara jatqan jerinen arnaıy jasaqtyń oǵyna ushqan. Oq tıgen kóliktiń saý tamtyǵy qalmaǵan. Oq birneshe qarýdan atylǵan degen de kúdikter aıtylǵan. 

Sot barysynda jaýynger Danıar Egembaev Nurbolat Seıitqulov pen onyń qyzy Nuraı Orazhannyń ólimine kináli dep tanylǵan bolatyn. Alaıda Altynaı Etaevanyń qazasy jeke qarastyrylady.

Jaýyngerdiń ata-anasy sot úkimimen kelispedi.