Flightraday24 servısiniń derekterine sáıkes Reseı prezıdenti Vladımır Pýtınniń eki ushaǵy 25 maýsymǵa qaraǵan túni Máskeýge qonǵan. 

24 maýsymǵa qaraǵan túni prezıdenttik borttardyń biri Reseıdegi áskerı qaqtyǵys kezinde Vnýkovodan Sankt-Peterbýrgke shuǵyl túrde ushyp ketken bolatyn. Al kúndiz Pýtınniń jeke ushaǵy da Máskeýden ushyp ketken edi. Alaıda Pýtın rezıdensıalarynyń biri ornalasqan Tver oblysynda ushaq radardan joǵalǵan. Eki ushaqtyń qaı baǵytqa ushqany týraly derek joq. 

Keıin 25 maýsymnyń túninde Tver oblysynda radarǵa qosylyp, biraz ýaqyttan soń Máskeýge qonǵan. 

Eske salsaq, buǵan deıin prezıdent baspasóz-hatshysy Dmıtrıı Peskov Reseı prezıdentiniń kúni boıy Kremlde jumys istegenin, elden ketpegenin habarlaǵan bolatyn.