Almatyda sheteldik nómmirmen júrgen kólikterdi zańdastyrýdy talap etken 2 belsendi qamaýǵa alyndy. Bul týraly belsendi Marat Turymbetov óziniń facebook áleýmettik jelisinde habarlady. 

Ustalǵan belsendilerge “mıtıńige shaqyrǵany úshin” (488-bap, 7-bólik) aıyp taǵylǵan. Belsendiler buǵan deıin 2022 jyldyń 1 qyrkúıeginen keıin de elge ákelingen shetel kólikterin zańdastyrý máselesin kótergen.

Jeksenbi kúni belsendiler mıtıń ótkizetinin habarlaǵan. Keıin mıtıńtiń keıinge shegerilgenin aıtqan. Buǵan qaramastan polısıa qyzmetkerleri belsendilerdi ustap alyp ketti. 

Eske salsaq, elde shetel kólikterin zańdastyrý merzimi 1 shildede aıaqtalady. Odan keıin tirkeýsiz júrgenderge aıyppul salynatyny habarlanǵan.