"Tıtanık" kemesine saıahat jasamaq bolǵan "Tıtan" batıskafynyń synyqtary sý astynan shyǵaryldy. AQSH jaǵalaý kúzetiniń málimdeýinshe, synyqtar arasynan adam qaldyqtary tabylǵan. 

“AQSH medısına mamandary batıskaftan tabylǵan adam qaldyqtaryna saraptama júrgizedi”, – delingen AQSH jaǵalaý kúzetiniń málimetinde. 

Batıskaf sarapta jumystary úshin Kanadaǵa jetkizilgen. 

Eske sala keteıik, 19 maýsym kúni Tıtanıkke saıahat jasaıtyn batıskaf 5 jolaýshymen birge joǵalyp ketken bolatyn. Bortta mıllıarder-zertteýshi Hemısh Hardıng, OceanGate kompanıasynyń bas dırektory, Fransıanyń sý asty kemeleriniń burynǵy jetekshisi Pol-Anrı Narjeole, Pákistandyq kásipker Shahzada Davýd pen onyń uly Súleımen bolǵan.

22 maýsymda batıskaftaǵy ottegi qory taýsylǵan. Keıin izdestirý jumystary nátıjesinde batıskaf synyqtary tabylyp, AQSH jaǵalaý kúzeti sý asty apparatynda ishke baǵyttalǵan jarylys bolǵanyn habarlaǵan bolatyn.