Senat depýtattary "Onlaın-platformalar jáne onlaın-jarnama týraly" zańdy maquldady.
Osy zańmen onlaın-jarnama, ınflúenser jáne jalǵan aqparat uǵymdary engizilip otyr. Budan bólek, qazaqstandyq blogerler salyq tóleýge mindetteledi jáne jalǵan aqparat úshin jańa aıyppul engiziledi. Jalǵan aqparaty kóp zıan tıgizbese, 20 AEK (69 000 teńge) mólsherinde aıyppul salynady. Al osy áreketti qaıtalanǵan jaǵdaıda aıyppuldyń kólemi eki esege artady. Zańdy tulǵalar da tıisti tártippen jazaǵa tartylady.
Jalpy, osy zań aıasynda Qylmystyq jáne Kásipkerlik kodeksterge, "Jarnama týraly", "Aqparattandyrý týraly", "Bilim týraly" jáne "Qazaqstan Respýblıkasyndaǵy balanyń quqyqtary týraly" zańdarǵa ózgerister engiziledi. Máselen, Qylmystyq kodekstiń áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrǵany úshin, sondaı-aq kórineý jalǵan aqparat taratqany úshin qylmystyq jaýaptylyqty belgileıtin baptarda "onlaın-platformalardy paıdalana otyryp jasalǵan áreketter" de eskeriledi.
Búgin senat osy zańdy birden eki oqylymda maquldady. Qujat prezıdenttiń qol qoıýyna jiberildi.
