Bas prokýratýra Reseı azamaty Nıkıta Kıslısınniń Qazaqstanda ustalǵany týraly aıtty. Reseılik azamat AQSH-tyń suraýy boıynsha ekstradısıalyq qamaýǵa alý negizderin zertteý úshin Qazaqstanda ustalǵan. 

"Iá, amerıkalyq ıýrısdıksıasy suraý tústi. Meniń oıymsha, ol baǵdarlamashy nemese aqparat salasynda jumys isteıdi", - dedi bas prokýrordyń orynbasary Ulan Baıjanov. 

Bas prokýrordyń orynbasary suranystyń qalaı oryndalyp jatqanyn túsindirdi.

"Interpol arqyly, málimetter bazasy arqyly qyzyl jalaýsha ilinedi. Ol ustaldy. Qazir biz suraý salǵan elge: "Ony ne úshin aıyptap jatyr? Osy istiń fabýlasyn naqty kórsetýin" suraımyz. Sodan keıin bul quqyq buzýshylyq bizdiń elimizde qylmys bolyp tabyla ma, joq pa, sony taldaımyz. Bul is jan-jaqty zertteledi. Sonda ǵana biz ekstradısıalaý nemese ekstradısıalamaý týraly isti qabyldaımyz", - dedi ol.

Ulan Baıjanovtyń aıtýynsha ustalǵan azamat saıası baspana surasa proses keshiktiriledi. 

"Eger Máskeý ony kez kelgen jolmen qaıtarǵysy kelse, onda olar da ol ne jasaǵanyn dáleldeýi kerek. Eger ol Reseı azamaty bolsa jáne ol qaıtyp oralǵysy kelse, biz keshendi sheshim qabyldaımyz. Men qandaı sheshimge keletinimizdi áli aıta almaımyn", - dep túıindedi Ulan Baıjanov.