Arys qalasyndaǵy jarylystan úıleri qıraǵan turǵyndardyń keıbiri arada tórt jyl ótse de, áli kúnge deıin ótemaqy ala almaǵan. 

Japa shekkender 1 mlrd teńgedeı qarajat ýáde etilgenin aıtady. Alaıda bul qury sóz kúıinde qalǵan. Arnaıy komısıa jarylǵysh zattan qırap qalǵan baspanalardy kúrdeli jóndeýge jaraıdy dep sheshken. Biraq baspanalardyń eshqaısy jóndelmegen.

Turǵyndar qıraǵan múlkin ózderi jóndep alýǵa jaǵdaılary jetpeıtinin málimdedi. Máseleden endi habardar boldyq degen jergilikti ákimdik ókilderi jaǵdaıdy jaqsy túsingenmen qoldan keler qaıyr bolmaıtynyn jasyrmady.

"Bul másele Qorǵanys mınıstrligi tarapynan júrgiziledi. Arys qalasy ákimdigi tarapynan, Gúljan Mamytqyzynyń tarapynan Qorǵanys mınıstrligine osy kisilerdiń máselesin qaraý týraly hat joldanǵan bolatyn”, – deıdi Arys qalasy ishki saıasat bóliminiń bas mamany Nurjan Quttybek.

Derekkóz: Astana arnasy