Taldyqorǵan ákimi bolyp Bázil Ernat Dúısenbekuly taǵaıyndaldy.

Bázil Ernat Dúısenbekuly 1978 jyly týǵan. Qazaq memlekettik sáýlet-qurylys akademıasyn qurlysshy ınjener, M.H.Dýlatı atyndaǵy Taraz memlekettik ýnıversıtetin qarjy mamandyqtary boıynsha bitirgen.

Eńbek jolyn Almaty qalasynda «Bazıs-A korporasıasy» JSHS-nyń ýchaske sheberi bolyp bastap, osy seriktestikte prorab, ýchaske bastyǵy bolǵan.

Birneshe jyl Astana jáne Almaty qalalaryndaǵy jeke qurylys kompanıalarynda túrli qyzmetterde istedi.

Ár jyldary Almaty qalasynyń qurylys basqarmasynda jetekshi maman, bas maman, bólim bastyǵy, Energetıka jáne komýnaldyq sharýashylyq basqarmasynyń bas mamany, bólim basshysy, basqarma basshysynyń orynbasary, Almaty qalasy Jetisý aýdany ákiminiń orynbasary, Nur-Sultan qalasynyń Otyn-energetıkalyq kesheni jáne komýnaldyq sharýashylyq basqarmasynyń basshysy, Almaty qalasy Jetisý aýdany ákiminiń orynbasary, Jetisý oblysynyń energetıka jáne turǵyn úı-kommýnaldyq sharýashylyq basqarmasynyń basshysy laýazymdaryn atqardy.

2023 jyldyń aqpan aıynan osy kúnge deıin Jetisý oblysy ákiminiń orynbasary boldy.

Aıta keteıik, 2022 jyldan beri Taldyqorǵandy Áset Masabaev basqaryp keldi.