Sınoptıkter 4-6 shilde kúnderi Qazaqstanda aýa raıy qandaı bolatyny týraly boljam jasady.

Meteorologtardyń málimetinshe, elimizdiń basym bóliginde turaqsyz aýa raıy saqtalady. Naızaǵaı oınap, ekpindi jel soǵady. 6 shildede respýblıkanyń shyǵysynda, ońtústik-shyǵysynda jáne ortalyǵynda qatty jańbyr, burshaq jaýýy múmkin.

Tek elimizdiń batysynda aýa raıy jaýyn-shashynsyz bolady.

"Sondaı-aq batysta kúndizgi temperatýra 33-39 gradýsqa deıin birtindep kóteriledi, respýblıkanyń qalǵan bóliginde aýa temperatýrasynyń azdap tómendeýi kútiledi: soltústik-batysta jáne ortalyqta 25-35 gradýsqa deıin, soltústikte 25-30 gradýsqa deıin, shyǵysta jáne ońtústik-shyǵysta 20-30 gradýsqa deıin, ońtústikte 25-38 gradýsqa deıin", - delingen habarlamada.