Sharanyń maqsaty – jas býyndy qazaqstandyq patrıotızm rýhynda tárbıeleý.

Jıynǵa sporttyq, áskerı-patrıottyq klýbyna múshe balalar men jasóspirimder qatysty, dep habarlaıdy Almaty-akshamy.kz

Jıynǵa Almaty qalasyndaǵy mektepterden «Jas búrkit» sporttyq, áskerı-patrıottyq klýbyna múshe «Búrkit bop kóke samǵaımyz, elimizdi qorǵaımyz!» uranyn jalaýlatqan 50-den asa bala men jasóspirim qatysty.

Áskerı is-sharanyń maqsaty – ósip kele jatqan jas býyn men áskerge deıingi jastarǵa Otanymyzdyń tarıhyn oqytý negizinde, qazaqstandyq patrıotızm rýhynda tárbıeleý, áskerı qyzmettiń bedelin jáne QR Ulttyq ulanynyń mártebesin arttyrý, áskerı isti meńgerý jáne jastardy áskerı qyzmetke fızıkalyq daıyndaý. Sondaı-aq, balalardyń, jasóspirimderdiń jáne áskerge deıingi jastardyń moraldyq birligin, áskerı-patrıottyq, sporttyq jáne áskerı-tehnıkalyq daıyndyqtaryn shyńdaý.

Dalalyq jıynǵa alǵash ret shyǵyp otyrǵan bolashaq sarbazdar «Naıza», «Batyrlar» jáne «Saq» dep atalatyn úsh topqa bólinip, bir apta boıy kún tártibine sáıkes saptyq daıyndyq, jaralanǵan joldasyna alǵashqy medısınalyq kómek kórsetý, topografıa, álpınızm, sýda júzý jáne sporttyq daıyndyq pánderinen bilimderin shyńdap, áskerı ómirdiń qyr syrymen tanysty. Qýanarlyǵy, almatylyq jasóspirimder bul praktıkalyq oqý-jattyǵý is-sharasyna asa qyzyǵýshylyqpen qatysty.

Sonymen qatar áskerı-patrıottyq klýb tárbılenýshileri mektep qabyrǵasynda alǵan áskerı daıyndyq boıynsha alǵan bilimderin kórsetip, pnevmatıkalyq qarýdan oq atyp, AK-74 avtomatyn belgilengen normatıvke saı bólshektep, jınap óz sheberlikterin kórsete bildi.