Almaty oblysynda Sybaılas jemqorlyqqa qarsy is-qımyl agenttigi men Oqý-aǵartý mınıstrligi sybaılas jemqorlyq táýekelderin birlesken syrtqy taldaý nátıjelerin qarastyrǵan. 

Taldaý aıasynda qarajatty urlaý jáne olardy utymsyz paıdalaný faktileri anyqtaldy. Sońǵy 3 jylda memleket bilim berý salasyn damytýǵa 12,1 trln teńge bólgen.

Memlekettik qoldaýdy arttyrýdyń sebepteriniń biri – muǵalimderdiń jalaqysyn kóterýge múmkindik bergen "Pedagog mártebesi týraly" Zańnyń qabyldanýy bolǵan.  2020 jyldan bastap osy salada 143 adam sottaldy. Memleketke keltirilgen zalal shamamen 11 mlrd teńgeni quraǵan.

Almaty oblysy boıynsha Sybaılas jemqorlyqqa qarsy qyzmet departamentiniń ókilderi atap ótkendeı, taldaý aıasynda óńirde ólgen adamdarǵa aqshalaı qarajat esepteýdiń 13 faktisi jáne mektep muǵalimderi men býhgalterlerine jalaqyny negizsiz kóterýdiń 30 faktisi anyqtaldy. Búdjet qarajatyn maqsatsyz paıdalanýdyń jalpy somasy – shamamen 750 mln teńge.

Mundaı jaǵdaı tıisti vedimistik baqylaýdyń bolmaýyna jáne býhgalterlik esep júıelerindegi olqylyqqa baılanysty oryn alǵan.