Mańǵystaý oblysynyń jer resýrstaryn basqarý departamenti Aqtaý qalasyndaǵy Kaspıı teńiziniń jaǵalaýynda ornalasqan jer ýchaskelerin memleket menshigine qaıtardy. 

Bul týraly Jer komıtetiniń tóraǵasy, QR Jerdi paıdalaný men qorǵaý jónindegi Bas memlekettik ınspektory Murat Temirjanov málimdegen.

Qaıtarylǵan jer telimderi:

- Aqtaý qalasy, Samal-2 shaǵyn aýdany mekenjaıynda ornalasqan "Vılla" nysanyn salý jáne kútip ustaý úshin aýdany 225,9437 ga jer ýchaskesi (Sot sheshimi zańdy kúshine engen joq);

- Aqtaý qalasy, 4 A shaǵyn aýdany, 41 ýchaske mekenjaıynda ornalasqan saýyqtyrý jáne oıyn-saýyq kesheni bar qonaqúıdiń aýmaǵyn keńeıtý úshin aýdany - 0,572 ga jer ýchaskesi (Sot sheshimi zańdy kúshine endi).

Bul jer ýchaskelerin komersıalyq maqsatqa berý kezinde Aqtaý qalasynyń ákimdigi tjer zańnamasynyń normalary buzǵan.

Ákimdik jer ýchaskesin jer komısıasynyń qorytyndysy berilmeı turyp, jerge ornalastyrý jobasy jasaqtalmastan bergen.