Qazaqstandyq boksshylar Samatáli Tóltaev pen Abzal Serik dopıngke baılanysty jarystan úsh jylǵa shettetildi.
Qazaq Ulttyq dopıngke qarsy komıtetiniń saıtynda bokstan shettetilgen sportshylar tizimi shyqty. Bul tizimde qazaqstandyq boksshylar da bar.
Tóltaev tyıym salynǵan oraltýrınabol preparatyn, Serik metasteron preparatyn paıdalanǵan. Samatáli Tóltaev 2023 jylǵy 31 naýryzdan 2026 jylǵy 31 naýryzǵa deıin, Abzal Serik 2023 jylǵy 7 sáýirden 2026 jylǵy 7 sáýirge deıin jarystan shettetildi.
Eske sala keteıik, Tóltaev bokstan Qazaqstan quramasynyń burynǵy múshesi, 2022 jylǵy Azıa chempıonatynyń qola júldegeri.
Abzal Serik – 2019 jylǵy jasóspirimder arasyndaǵy Azıa chempıony, 2023 jylǵy Azıa jastar chempıonatynyń fınalısti.
Pikir qaldyrý