Qazgıdromet sınoptıkteri 11 shilde, seısenbide aýa raıyna baılanysty birqatar óńirde eskertý jarıalady.

Kúndiz Jambyl oblysynyń ońtústiginde 43 gradýs óte qatty ystyq bolady.

Aqtóbe oblysynda ońtústik-shyǵystan, ońtústikten jel soǵady, oblystyń ońtústiginde, batysynda jel ekpini - 15-20 m/s.

Kúndiz Batys Qazaqstan oblysynyńbatysynda, ońtústik-batysynda, soltústiginde naızaǵaı jarqyldaıdy. Jel ońtústik-shyǵystan batysqa aýysyp soǵady, túnde oblystyń soltústiginde, shyǵysynda, kúndiz oblystyń basym bóliginde ekpini - 15-20 m/s. Kúndiz 35-38 gradýs qatty ystyq saqtalady. 11 shildede oblystyń basym bóliginde joǵary órt qaýpi bar.

Jetisý oblysynyń ortalyǵynda, shyǵysynda, taýly aýdandarynda soltústik-shyǵystan jel soǵady, ekpini - 15-20 m/s. 11-12 shildede oblystyń basym bóliginde joǵary órt qaýpi, oblystyń soltústiginde, ońtústiginde tótenshe órt qaýpi saqtalady.

Shymkentte úsh kún qatarynan aptap ystyq. 11 shildede aýa temperatýrasy - 36-39 gradýs jyly.

Shyǵys Qazaqstan oblysynyń túnde ońtústiginde, shyǵysynda, kúndiz shyǵysynda kún kúrkireıdi. Jel soltústikten soǵady, oblystyń ońtústiginde, shyǵysynda ekpini - 15-20 m/s. 11-12 shildede oblystyń ońtústiginde, batysynda joǵary órt qaýpi saqtalady.

Kúndiz Qaraǵandy oblysynyń basym bóliginde 35-38 gradýs qatty ystyq bolady. Oblystyń ońtústiginde tótenshe órt qaýpi saqtalady.

11-13 shilde kúndiz Aqmola oblysynda 35-38 gradýs qatty ystyq saqtalady. 11-13 shildede tótenshe órt qaýpi bar.

SQO-nyń Petropavl qalasynda kúndiz 36-38 gradýs qatty ystyq. Tótenshe órt qaýpi saqtalady.

Kúndiz Mańǵystaý oblysynyń soltústik-batysynda, soltústiginde naızaǵaı oınaıdy. Oblystyń batysynda, soltústik-shyǵysynda, ortalyǵynda shańdy daýyl soǵady. Ońtústik-shyǵystan soǵatyn jel soltústik-batysqa aýysady, oblystyń batysynda, soltústik-shyǵysynda, ortalyǵynda - 15-20, ekpini - 23 m/s. 11-12 shildede oblystyń basym bóliginde tótenshe órt qaýpi saqtalady.

Kúndiz Pavlodar oblysynyń ońtústik-shyǵysynda kún kúrkireıdi. Oblystyń basym bóliginde 35-39 gradýs qatty ystyq. 11-12 shildede Pavlodar oblysynyń soltústik-batysynda, shyǵysynda, ońtústikginde tótenshe órt qaýpi saqtalady.

Atyraý oblysynyń batysynda, solústiginde naızaǵaı jarqyldaıdy. Kúndiz oblystyń shyǵysynda, ońtústiginde - shańdy daýyl. Ońtústik-shyǵystan soltústik-batysqa aýysyp jel soǵady, túnde oblystyń shyǵysynda, kúndiz basym bóliginde 15-20, kúndiz oblystyń shyǵysynda ekpini - 25 m/s. Kúndiz oblystyń shyǵysynda 35-39 gradýs qatty ystyq saqtalady. Oblystyń basym bóliginde tótenshe órt qaýpi bar.

11-12 shildede Túrkistan oblysynyńsoltústiginde shańdy daýyl turady. Shyǵystan, ońtústik-shyǵystan jel soǵady, oblystyń soltústiginde, taýly aýdandarynda kúshi - 15-20 m/s. Kúndiz oblystyń basym bóliginde 40-42 gradýs qatty ystyq bolady. Oblystyń ońtústiginde, batysynda, soltústiginde, shóldi aýdandarynda tótenshe órt qaýipi saqtalady.

Kúndiz Ulytaý oblysynyń basym bóliginde 35-38 gradýs qatty ystyq saqtalady. Oblystyń ońtústiginde tótenshe órt qaýpi bar.

Abaı oblysynyń ortalyǵynda, ońtústik-batysynda jel soltústikten, soltústik-shyǵysynda soǵady, ekpini - 15-20 m/s. Kúndiz oblystyń soltústik-batysynda, ońtústik-batysynda 35 gradýs qatty ystyq. Joǵary órt qaýpi saqtalady.

11-13 shildede Almaty oblysynyń basym bóliginde 35-38 gradýs aptap ystyq.

Qyzylorda oblysynda jel shyǵystan soǵady, kúndiz oblystyń ortalyǵynda, shyǵysynda kúshi 15-20 m/s jetedi, shańdy daýyl soǵady. Kúndiz 40-43 gradýs qatty ystyq saqtalady. 11-13 shildede Qyzylorda oblysynda tótenshe órt qaýpi bar.

Qostanaı oblysynda ońtústikten jel soǵady, kúndiz oblystyń batysynda ekpini - 15-20 m/s. Kúndiz oblystyń basym bóliginde 39 gradýsqa deıin qatty ystyq bolady.

Astanada 11-13 shilde aralyǵynda kúndiz 35-38 gradýs qatty ystyq. Tótenshe órt qaýpi bar.