Qańtar oqıǵasy kezindegi "áýejaıdy basyp alý isi" boıynsha búgin Naýryzbaı aýdandyq sotynda úkim shyqty. 

Sot aıyptalýshylardy kináli dep tanyp, Áıgerim Tileýjandy 4 jylǵa bas bostandyǵynan aıyrdy. Áıgerim Tileýjan  qaýipsizdigi ortasha túzeý kolonıasynda jazasyn óteıdi. Qalas Nurpeıisov pen Nurlan Dálibaev 8 jylǵa sottaldy. Sot úkimimen Ermuhamet Shilibaevqa pen Janaıdar Kármenov te 8 jylǵa bas bostandyǵynan aıyryldy.

Azattyq basylymynyń dereginshe, sot úkimi shyǵar kúni Naýryzbaı aýdandyq soty aldyna sottalýshylardyń jaqtastary, týystary men qoǵam belsendileri bar, barlyǵy júzden astam adam jınalǵany baıqaldy. Sot zalyna kirgender aıyptalýshylarǵa bostandyq surap urandatty.

"Qańtar oqıǵasynan keıin halyqty qorqyta almaıdy. Eshqandaı zań buzbaǵanyma senimdimin. Óz ustanymdarymnan bas tartpaımyn. Kerek bolsa qamalýǵa da daıynmyn" - dedi aıyptalýshy Aıgerim Tileýjan.

Eske sala keteıik, osyǵan deıingi sot otyrystarynda aıyptalýshylardyń jaqtastary "Halyq terrorıst emes" degen jazýmen plakat ákelip, óz ustanymdaryn bildirgen bolatyn.