Almaty qalasynyń burynǵy ákimi Baýyrjan Baıbektiń ákesine aıyppul salyndy. Eks-ákimniń ákesi Qydyrǵalı Baıbek 51 myń teńge tóleýge mindetteldi.
Astananyń ákimshilik quqyq buzýshylyq jónindegi mamandandyrylǵan aýdanaralyq soty Qydyrǵalı Baıbekke qatysty isti qarady. Sot onlaın rejıminde ótti. Sottalýshynyń ózi sot otyrysyna qatysqan joq. Qydyrǵalı Baıbek tıisti quqyǵy joq jer ýchaskesin zańsyz paıdalanyp, kásibin resmı tirkemegeni anyqtaldy.
Sot Qydyrǵalı Baıbekti ÁQBtK-niń 463-baby 1-bóligi boıynsha quqyq buzýshylyq jasaǵany úshin kináli dep taýyp, 51 750 teńge kóleminde aıyppul taǵaıyndady.
Pikir qaldyrý