QR Ekologıa jáne tabıǵı resýrstar mınıstri Zúlfıa Súleımenova Pavlodar oblysyndaǵy Korákovka kóli týraly pikir bildirdi. Mınıstrdiń aıtýynsha, kóldi aınaıy zertteıtin komısıa qurylady. 

"Qazaqstandaǵy ekinshi áıgili qyzǵylt kól Korákovkaǵa zertteý júrgiziledi. Komısıa jumysynyń nátıjeleri Ekologıa jáne tabıǵı resýrstar mınıstrliginiń saıtynda BAQ-ta jarıalanady", – dedi Súleımenova.

Buǵan deıin áleýmettik jelide Pavlodar mańynda ornalasqan Korákovka kólin bireý keptirip, sol jerden tuz satady degen aqparat taraǵan bolatyn.

Ekologıa mınıstrligi tuzdy zańsyz óndirý faktisi rastalǵanyn aıtty. Bul rette vedomstvo "ónerkásiptik kólemde óndirý bolmaǵan, jergilikti turǵyndar ózderiniń qajettilikterin qanaǵattandyrý úshin qarabaıyr tásilderge júgingen" dep atap ótti.

Sondaı-aq, mınıstrlik kól sýy qysta qardyń azdyǵynan jáne jyl basynan beri erigen sýdyń bolmaǵanynan tómendegenin habarlady.