Aqtóbeden qazaq sultandarynyń qorymy tabyldy. Bul aýmaqta ortaǵasyrlyq qala bolǵany da anyqtalyp otyr. Bul týraly Qazaqstan.tv arnasy habarlady. 

"Bul belgi 1861 jyly qazaqtyń belgili sultandarynyń birine qoıylǵan. Bul aýmaqta osyndaı tórt qulpytas bar. Zertteýshilerdiń aıtýynsha, jaqyn jerde shaǵyn qalashyq ta bolǵan. Aqtóbe qalasynyń tarıhy 1869 jyldan bastalmaıdy, keminde odan bir ǵasyrǵa árige ketedi. Bul tarıhı jańalyqty Talǵat Jumaǵambetov bastaǵan tarıhshylar ashty", – delingen aqparatta. 

Qala shetindegi eski qorymdy zertteý barysynda bul jerge qazaqtyń áıgili sultandary jerlengeni anyqtalǵan. Munda Kishi júzdiń sońǵy hany Arynǵazynyń urpaqtary jatyr. 

Qazirgi ýaqytta tórt qulpytas oqyldy. Olardyń biri 1848 jyly qoıylǵan. 

Ǵalymdardyń aıtýynsha, osy mańda ortaǵasyrlyq úsh eldimeken bolǵan. Myna qorymǵa sultandarǵa deıin sonda ómir súrgen adamdar jerlengen. Ókinishtisi, qorǵandardyń qırandylary osydan 50-60 jyl buryn buzylyp ketken. Ǵalymdardyń aıtýynsha, endi Aqtóbe qalasynyń qurylǵan ýaqyty keminde XVII ǵasyrdan bastap eseptelýge tıis. 
Ǵalymdar osy jerden ortaǵasyrlyq obany da anyqtady. Bul tarıhı nysandardyń keıbiri buǵan deıin de belgili bolǵanymen, eshkim den qoıyp zerttemegen. Sondyqtan kelesi jyly aýqymdy jumystar júrgizilýge tıis. Sultandar jatqan jerge tarıhı keshen salý jóninde de usynystar bar.