Astana qalasynyń din isteri basqarmasy jerleý rásimi men zırat kútimi boıynsha jańa erejeler bekitýi múmkin. Bul týraly din isteri basqarmasynyń basshysy Nurdáýlet Álmuhanov málimdedi.

"Qazir jerleý boıynsha arnaıy erejeler ázirlep jatyrmyz. Onda qulpytas bıiktigi 1 metrden aspaýy kerek. Zırat qorshalyp, kútim jasalýy qajet. Jer kodeksine sáıkes, jerleý úshin 2h3 sharshy metr jer tegin beriledi, biraq kóp adam basqa týystary úshin eki oryn suraıdy. Sondyqtan jerleý týraly erejege tolyqtyrýlar engizemiz"- dedi din isteri basqarmasynyń basshysy Nurdáýlet Álmuhanov máslıhat otyrysynda.

Onyń aıtýynsha, qaladaǵy 28 zırattyń 16-synyń ǵana qujattary rettelgen. Al sanıtarlyq normaǵa sáıkes, zırat pen turǵyn úı arasynda 300 metr qashyqtyq saqtalýy shart.