Qazaqstanda shahmattan álem chempıondaryna ómir boıy qarjylaı kómek berilmek. Qazirgi tańda mundaı kómek Olımpıada, Paralımpıada jáne sýrdlımpıada jeńimpazdary men olardyń jattyqtyrýshylaryna beriledi.

Mádenıet jáne sport mınıstrligi memleketten ómir boıy materıaldyq kómek alýǵa quqyly sportshylar qataryn keńeıtýdi josparlap otyr. Bul sanatqa shahmat olımpıadasynyń eresekter arasyndaǵy klasıkalyq shahmattan álem chempıonatynyń jeńimpazdary men olardyń jattyqtyrýshylary qosylýy múmkin. Bul týraly Ashyq NQA portalynda jarıalanǵan konsýltatıvtik qujat jobasynan belgili boldy.

Sondaı-aq, sportshylar men jattyqtyrýshylarǵa ómir boıy materıaldyq kómek alý úshin qoıylatyn ózge talaptarǵa da ózgerister engizý qarastyrylyp jatyr. Onyń eń bastysy – mindetti eńbek ótilin 20 jyldan 10 jylǵa deıin tómendetý. Alaıda, bul rette talapker 10 jyl Qazaqstanda jáne dene shynyqtyrý jáne sport salasynda eńbek etýi tıis.

Ómir boıy qarjylaı kómek alý úshin chempıon, mindetti túrde, Qazaqstan azamaty bolýy tıis.