2024 jyldan bastap Reseıde 30 jasqa deıingi azamattar áskerge shaqyrylatyn bolady. Bul týraly Reseı memlekettik dýmasy qorǵanys jónindegi komıtetiniń basshysy Andreı Kartapolov málimdedi. 

"Zań jobasyn 2024 jylǵy 1 qańtardan bastap kúshine engizý usynylyp otyr, ıaǵnı bul erejeler kúzgi áskerge shaqyrý naýqanyna taralmaıdy. Máselen 2023 jyly 31 jeltoqsanda 27 jasqa tolǵandarǵa 1 qańtardan jańa zań qoldanylmaıdy. Alǵashqy áskerge shaqyrý – 2024 jyldyń kóktemi, ol jańa erejeler boıynsha ótedi", - dedi Kartapolov.

Jańa norma 2024 jyly kóktemgi áskerge shaqyrý naýqanynan bastap kúshine enedi. Zań jobasynda áskerge shaqyrý jasyn 18-den 30 jasqa deıin kóterý kózdelgen. Tıisti túzetý birinshi oqylymda maquldady.