Shý aýdanynda qaraýsyz qalǵan ǵımarattyń jertólesinen iri kólemde oq-dáriler men qarý-jaraq tabyldy, dep habarlaıdy Polisia.kz.
Jedel-izdestirý is-sharalaryn Jambyl oblysy polısıa departamentiniń esirtki qylmysyna qarsy is-qımyl basqarmasynyń qyzmetkerleri júrgizdi.
"9 dana qarý men oq-dáriler, atap aıtqanda 4 dana 16 kalıbrli IJ-ZK bir oqpandy ańshy myltyǵy, 16 kalıbrli IJ-17 bir oqpandy sholaq myltyq, 9 mm kalıbrli Baıkal 79-9TM travmatıkalyq tapanshadan 2-eý, tapansha, 5,45 mm kalıbrli patrondardyń 270 danasy, sondaı-aq qańtar oqıǵasy kezinde polısıa departamentiniń qoımasynan urlanǵan 9 mm kalıbrli PM tapanshasy tabylyp, tárkilendi", - delingen polısıa habarlamasynda.
Polısıa departamenti esirtki qylmysyna qarsy is-qımyl basqarmasynyń bastyǵy Álim Bajyqbaev qarýǵa sot-ballıstıkalyq saraptamasy taǵaıyndalǵanyn atap ótti.
Qazirgi ýaqytta osy derekke qatysty Qylmystyq kodekstiń 287-babynyń 3-bóligi (Qarýdy, oq-dárilerdi, jarylǵysh zattardy jáne jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý) boıynsha sotqa deıingi tergeý amaldary bastaldy.
Pikir qaldyrý