Elimizde sybaılas jemqorlyqqa qarsy is-qımyl boıynsha qabyldanyp jatqan sharalar týraly Sybaılas jemqorlyqqa qarsy qyzmet prezıdentke esep berdi.
Antıkor basshysy Asqat Jumaǵalıdyń aıtýynsha, 6 aıda 130 nysanǵa taldaý jáne monıtorıń júrgizilgen. Al jemqorlyqty joıýǵa qatysty 1 myńnan astam usynys engizilgen.
"Sotqa deıingi aıaqtalǵan tergeý amaldarynyń nátıjesi boıynsha 232,6 mıllıard teńge óteldi. Jalpy, 1,5 jylda búdjetke jáne kvazımemlekettik sektor sýbektilerine shamamen 860 mıllıard teńge kóleminde múliktik aktıvter men aqshalaı qarajat qaıtaryldy", – delingen habarlamada
Jyl basynan elimizde 1 myńǵa jýyq sybaılas jemqorlyqqa qatysty qylmys tirkeldi, 700-den astam adam áshkerelendi, onyń 98-i túrli deńgeıdegi basshylar.
Pikir qaldyrý