Aqtóbe qalasynda óz ulyn jaýyzdyqpen óltirgeni úshin aıyptalǵan Artýr Ahýnov eshkim kútpegen málimdeme jasady, dep habarlaıdy Sputnik Qazaqstan KTK arnasyna silteme jasap.
Sot otyrysynda Ahýnov balany óltirgen úshemniń syńary degen málimdeme jasady. Onyń sózine qaraǵanda, balalar oınap júrgende jazataıym oqıǵa bolǵan.
"Ol qyzymmen oınaǵandy óte jaqsy kóretin. Olar oınap júrip, onyń qolyn jiberip qalǵanda betonǵa baspen tústi. Artynsha úlken ulym túsinbeı ıterip jiberdi. Sol sátte, ol betin edenge soqty", - deıdi sottalýshy.
41 jastaǵy áke ár otyrysta túrli ýájdi alǵa tartty. Aıyptalýshy óz kinásin moıyndamaı otyr. Alaıda sotta ne sebepti jedel járdem shaqyrmaǵanyn da túsindirip bere almady.
Tergeý kezinde balanyń máıiti jaldamaly páterdiń balkonynda on kúnnen astam ýaqyt jatqany anyqtaldy. Artynsha ákesi 4 jasar Danıldyń denesin qytaı sómkesine salyp, taksımen aldyn ala qazylǵan shuńqyrǵa aparyp kómgen.
Sot saraptamasyna sáıkes, bala basynan aýyr soqqy alǵannan qaıtys boldy.
"Sol jaq mańdaı bóliginiń zıgomatıkalyq aımaǵynda soqqy bolǵan. Sodan keıin oń jaqta jelke jaǵynanda soqqynyń izi bar. Bul tikeleı soqqy bolýy múmkin. Synyq jaraqattary da anyqtaldy", - deıdi sot sarapshysy Yryskeldi Súleımenov.
Pikir qaldyrý