Jyl basynan beri Reseıde turatyn 87 myń tájik Reseı azamattyǵyn alǵan. Bul byltyrǵy kórsetkishpen  salystyrǵanda 13 myń adamǵa kóp.

Ozodi radıosynyń habarlaýynsha, kún saıyn 500 tájikstandyq Reseı azamattyǵyn alady. Sońǵy úsh jylda RF azamattyǵyn alǵysy kelgen tájik sany kóbeıgen.

2020 jyly 63 myń tájik halqynyń ókili Reseı azamattaǵyn alsa, 2021 jyly 103 myńnan astam ajam reseılik atanǵan. Al byltyr 173 myńnan astam tájik ultynyń ókili Reseıdiń tólqujatyna ıe bolǵan.

Reseı tólqujatyn alý jaǵynan Ýkraınanyń azamattary ekinshi orynda tur. Jarty jylda 39 myń ýkraın halqynyń ókili tólqujatyn aýystyrǵan.

Degenmen Reseı İİM málimetine qaraǵanda, sheteldikter arasynda Reseı azamattyǵyn alýshylar azaıǵan. Bıyl sońǵy jarty jylda 205 myń sheteldik Reseı azamattyǵyn alǵan. Byltyr bul kórsetkish 500 myńnan asqan bolatyn.