Eńbek jáne halyqty áleýmettik qorǵaý mınıstrligi etnıkalyq qazaqtarǵa beriletin "Ata joly" kartasyn qalaı alýǵa bolatynyn túsindirdi.
"Ata joly" kartasy – etnıkalyq qazaqtarǵa elimizde bıznes-keısterin iske asyrýǵa jáne elde tapshy mamandardyń qyzmet etýine beriletin qujat. Karta ıelerine respýblıka aýmaǵynda azamattyǵyn saqtaı otyryp, 10 jylǵy deıin turaqty turýǵa ruqsat beriledi.
"Ata joly" kartasy úsh sanattyń birine sáıkes keletin shetelde turatyn etnıkalyq qazaqtarǵa beriledi:
-
úmitkerdiń Qazaqstanda talap etiletin mamandyq ıesi bolýy;
-
turaqty turatyn nemese azamattyǵy bar elde tirkelgen bıznesiniń bolýy.
"Kartany alý úshin "Qutty meken" mobıldi qosymshasy arqyly ótinish berý nemese Qazaqstan elshiligine júginý qajet. Tirkelgennen keıin ótinim bes jumys kúni ishinde qaralady, sodan keıin áleýmettik qorǵaý jáne halyqty jumyspen qamtý salasyndaǵy jergilikti atqarýshy organ sol qosymsha arqyly alýshyny qujattyń usynylǵany týraly habardar etedi", - delingen habarlamada.
"Ata joly" kartasyn "Qutty meken" qosymshasynan alýǵa bolady.
Osydan keıin etnıkalyq qazaq vıza alý úshin Qazaqstan syrtqy ister mınıstrliginiń sheteldegi mekemesine júginedi nemese (turatyn elimen vızasyz rejımde) kóship kelýshilerdiń kelýi men bolýynyń qazaqstandyq tártibine sáıkes birden elge kele alady.
Qazaqstanǵa kelgennen keıin "Ata joly" kartasynyń ıegeri uzartý múmkindigimen 10 jyl merzimge turýǵa yqtıarhatty resimdeý úshin aýmaqtyq ishki ister organdaryna júginýge tıis.
Karta alynǵan sanatqa baılanysty etnıkalyq qazaq ne jumys berýshimen shartqa qol qoıady jáne ony "eńbek sharttaryn esepke alýdyń biryńǵaı júıesinde" tirkeıdi, ne óziniń bıznes-josparyn júzege asyrýǵa kirisedi.
"Ata joly" kartasy ıegerleriniń etnıkalyq qazaqtardan basty aıyrmashylyǵy – olar basqa eldiń azamaty bolyp qala otyryp, azamattar men qandastar sıaqty quqyqtarǵa ıe bolady, dep atap ótti mınıstrliktegiler.
Budan basqa, "Ata joly" kartasynyń ıegerleri Qazaqstan Respýblıkasynyń azamattyǵyn ońaılatylǵan tártippen alýǵa múmkindigi bar.
Aıta keteri, "Ata joly" kartasy bar adamdar Qazaqstannyń memlekettik organdary men jergilikti ózin-ózi basqarý organdaryna saılaýǵa jáne saılanýǵa quqyǵy joq, respýblıkalyq referendýmǵa qatysa almaıdy jáne memlekettik qyzmette jumys isteı almaıdy.
Derekkóz: sputnik.kz
Pikir qaldyrý