Qamaýdaǵy jýrnalıs Dýman Muhamedkárimniń advokaty Ǵalym Nurpeıisov bir kún buryn Rysbek Sársenbaıuly bastaǵan 40 shaqty belsendi jýrnalıs Dýman Muhammedkárimdi Almatyǵa aýystyrý týraly prokýratýraǵa ótinish bergenin habarlady.

Keıin prokýrordyń orynbasary ótinishti qanaǵattandyrǵan. Bul týraly Azattyq radıosy habarlady. 

"Jazbasha hatty ázirge almadym. Biraq jýyq arada alamyz dep oılaımyn" - dedi Ǵalym Nurpeıisov. 

Ol búgin osyny Dýman Muhammedkárimge aıtý úshin Taldyqorǵanǵa barǵan. Alaıda ashtyq jarıalaǵanyna 22 kún bolǵan jýrnalıs densaýlyǵyna baılanysty advokatyna shyǵa almaǵan. Ol jazbasha jaýapty qolǵa almaıynsha jáne ózin Almatyǵa jibermeıinshe ashtyqty toqtatpaıtynyn aıtqan.

Taldyqorǵandaǵy tergeý ızolátorynda jatqan qamaýdaǵy jýrnalıs Dýman Muhammedkárim ózin Almatyǵa aýystyrýda talap etip, 5 shildede ashtyq jarıalaǵan. Advokattyń aıtýynsha, jýrnalısiń jaǵdaıy óte nashar. Mekeme kezekshisi dárigerler onyń jaǵdaıyn sát saıyn baqylap otyrǵanyn aıtqan. Buǵan deıin jýrnalıs dárigerler eminen bas tartqan.