Jetisý oblysynyń prokýratýrasy tabıǵat qorǵaý zańnamasy salasyndaǵy qatty turmystyq qaldyqtar polıgondarynyń jumys isteýi boıynsha taldaý júrgizdi, dep habarlaıdy oblystyq prokýratýranyń baspasóz qyzmetine silteme jasap.
Vedomstvonyń málimetinshe, oblystyń keıbir aýdandarynda qatty turmystyq qaldyqtar polıgondary quqyq belgileıtin qujattarsyz jumys isteıtini anyqtaldy.
Mysaly Alakól aýdanynda 23 aýyldyq okrýgte (56 eldi meken) 33 qatty turmystyq qaldyqtar polıgony bar. Alaıda onyń ishinde tek Dostyq okrýgindeg "Shyńdáli" polıgonynda ǵana quqyq belgileıtin qujat bar.
Osyǵan uqsas faktiler Sarqan (9 fakt), Kóksý (7 fakt) jáne Eskeldi (1 fakt) aýdandarynda anyqtaldy. Joǵaryda atalǵan barlyqzań buzýshylyqtar boıynsha prokýrorlyq qadaǵalaý aktileri engizildi.
"Qazirgi ýaqytta aktilerdi qaraý nátıjeleri boıynsha úsh aýyl ákimine 300 AEK-ten astam somaǵa aıyppul taǵaıyndaldy jáne bir aýdan ákiminiń orynbasary tártiptik jaýapqa tartyldy", - delingen Jetisý oblysy prokýratýrasynyń habarlamasynda.
Sondaı-aq jergilikti atqarýshy organdar zańsyz jumys isteıtin qatty turmystyq qaldyqtar polıgondaryn zańdastyrý boıynsha jumys júrgizip jatyr.
