27 shildede Almatynyń №2 Bostandyq aýdandyq soty Qańtar oqıǵasy kezinde "jappaı tártipsizdikke shaqyrdy jáne qatysty" degen aıyppen Ádidet Mýsındi kináli dep tanyp, 9 aıǵa bas bostandyǵynan aıyrdy.

Ol jazasyn qaýipsizdigi ortasha mekemede óteıdi. Bul týraly Azattyq radıosy jazdy.

38 jastaǵy Ádilet Mýsın buǵan deıin ózine taǵylǵan aıyptardy úzildi-kesildi joqqa shyǵarǵan.

Buǵan deıin qorǵaýshylar taraby sońǵy sot otyrystarynda "ony Qańtar kezinde "Shal, ket!" dep aıǵaılaǵany úshin ǵana sottaǵysy keledi, al muny Qańtar kezinde búkil eldiń jartysy aıtqan" dep málimdegen edi. Olar Mýsınniń kinásin dáleldeıtin aıǵaqtar joǵyn, sotta sóılegen kýágerlerdiń eshqaısysy Mýsınniń "zańsyz áreketke barǵanyn" aıtpaǵanyn alǵa tartqan bolatyn.