Qaraǵandy oblysyndaǵy balalardyń jappaı ýlanýyna baılanysty tergeý bastaldy. Bul týraly  QR Bas prokýratýrasynyń baspasóz qyzmeti habarlady.

"31.07.2023 jyly balalardyń tamaqtan ýlaný faktisi boıynsha «Qaraǵandy oblysynyń balalarǵa arnaýly áleýmettik qyzmetter kórsetý ortalyǵy» KMM QR QK-niń 304-babynyń 2-bóligi (aýyr zardaptarǵa ákep soqtyrǵan sanıtarlyq erejelerdi nemese gıgıenalyq normatıvterdi buzý) boıynsha sotqa deıingi tergeý bastaldy.

Qylmystyq is Qaraǵandy oblysy prokýratýrasynyń arnaıy prokýrorlarynyń baqylaýyna qabyldandy", – delingen habarlamada.

Quqyq qorǵaý jáne arnaıy organdardyń tájirıbeli qyzmetkerleri jumyldyrylyp, vedomstvoaralyq jedel-tergeý toby quryldy.

Tıisti saraptamalar taǵaıyndaldy.

Tergeý sheńberinde jaýapty laýazymdy tulǵalardyń is-áreketterine tıisti quqyqtyq baǵa beriletin bolady.

Elimizde jetim balalarǵa, ata-anasynyń qamqorlyǵynsyz qalǵan balalarǵa, sondaı-aq múmkindigi shekteýli balalarǵa arnaýly medısınalyq-áleýmettik qyzmet kórsetetin 84 mekeme bar.