Oral qalalyq soty para aldy dep aıyptalǵan BQO memlekettik múlik jáne jekeshelendirý departamentiniń burynǵy basshysy Darhan Qýanyshevqa sot úkimin oqydy.

60 jastaǵy sheneýnik QR QK 366-baby 2-bóligine (aıtarlyqtaı mólsherde para alý) sáıkes aıypty dep tanyldy. Sot oǵan paranyń 30 eselep, ıaǵnı, 19,5 mln teńge kóleminde aıyppul saldy.

Sonymen qatar ol memlekettik basqarý organdarynda laýazymdy qyzmet atqarý quqyǵynan ómir boıyna aıyryldy.

Sheneýnikke para berdi dep aıyptalǵan kásipker Mırbolat Muhamedzánov ta kináli dep tanyldy. Alaıda shyn ókinýine baılanysty QR QK 65-baby 1-bóligi negizinde qylmystyq jaýapkershilikten bosatyldy.

Eske sala keteıik, sheneýnik kásipkerden jalpy somasy 650 myń teńge  para alǵan.