Shymkent qalasynda bilim basqarmasynyń laýazymdy tulǵalary júıeli jemqorlyq úshin sottaldy, dep habarlaıdy sybaılas jemqorlyqqa qarsy is-qımyl agenttigi. Qylmystyq ister jónindegi aýdanaralyq sotynda bilim basqarmasynyń mamandary A. Shındaýlov pen M. Meıirbekovtiń isi qaraldy.
"Olar sýbsıdıalaý sharttaryna kedergisiz qol qoıǵany úshin 100 myńnan 500 myń teńgege deıingi somada mektepke deıingi mekemelerdiń basshylarynan júıeli negizde para alǵany úshin kináli dep tanyldy. Ekeýi de 36 mıllıon teńge kóleminde aıyppul tóleýge mindetteldi", - delingen resmı habarlamada.
Budan bólek, sottalǵandar memlekettik qyzmette, jergilikti ózin-ózi basqarý organdarynda, qarjy uıymdarynda jáne kvazımemlekettik sektorda qyzmet atqarý quqyǵynan ómir boıyna aıyryldy. Sot úkimi zańdy kúshine engen joq.
Pikir qaldyrý