Qaraǵandy oblysynda 31 shildede Dolınka aýylyndaǵy ortasha qaýipsizdik kolonıasynda jazasyn ótep jatqan er adam qashyp ketti, dep habarlaıdy Qaraǵandy oblysynyń qylmystyq atqarý júıesi departamentiniń baspasóz qyzmeti. Sottalýshy sol kúni ustalǵan.
Er adam mekemeniń qorǵalatyn aýmaǵynan tys jerde jóndeý jumystaryna tartylǵan.
"Jedel-izdestirý is-sharalary barysynda birneshe saǵat ishinde qashyp ketken adamdy jedel ýákilder ustady", – delingen habarlamada.
Sondaı-aq, atalǵan fakti boıynsha Qaraǵandy oblysynyń polısıa departamenti Qylmystyq kodekstiń 426-baby "Bas bostandyǵynan aıyrý oryndarynan nemese qamaýdan qashý" boıynsha sotqa deıingi tergeý júrgizip jatyr. Kolonıada qyzmettik tergeý bastaldy.
Vedomstvonyń málimetinshe, 29 jastaǵy er adam urlyq jasaǵany úshin sottalǵan, jalpy merzimi 4 jylǵa bas bostandyǵynan aıyrylǵan.
Pikir qaldyrý