Túrkistan oblysy ákiminiń birinshi orynbasary bolyp Zulfuhar Joldasov taǵaıyndaldy.

Qazaqstan Respýblıkasy Prezıdenti Ákimshiliginiń kelisimimen oblys ákiminiń birinshi orynbasary laýazymyna Zulfuhar Sansyzbaıuly Joldasov taǵaıyndaldy.

Búgin Túrkistan oblysynyń ákimi Darhan Satybaldy oblys aktıvine birinshi orynbasaryn tanystyrdy. Sondaı-aq, Zulfuhar Joldasovtyń óńirdegi qordalanǵan máselelerdi sheshý baǵytynda nátıjeli jumys atqaratyndyǵyna senim bildirdi.

«Birinshiden, Kentaý qalasyndaǵy №5-shi jylý elektr ortalyǵynyń qaı qurý jumystaryn jeke baqylaýǵa alý qajet. Sondaı-aq oblysymyzda, ásirese, oblys ortalyǵy Túrkistan qalasynda birqatar nysannyń qurylysy júrgizilýde, solardyń sapasyna turaqty túrde baqylaý júrgizý kerek. Avtomobıl joldarynyń sapasy boıynsha Memleket basshysynyń tapsyrmalary bar. Jaqsy jaǵdaıdaǵy joldardyń úlesin 95 paıyzǵa jetkizý qajet. 2025 jyldyń sońyna deıin turǵyndardy 100 paıyz sapaly aýyz sýmen qamtý kerekpiz. Sizden nátıjeli jumys kútemin» – dedi Túrkistan oblysynyń ákimi Darhan Satybaldy.