1 mıllıon AQSH dollary kóleminde para berýge ıtermelegen er adam sotqa tartyldy, - dep habarlaıdy Sybaılas jemqorlyqqa qarsy is-qımyl agenttigi.
Sybaılas jemqorlyqqa qarsy qyzmet ókilderi alaıaqtyq jáne para berýge ıtermeleý deregi boıynsha K. Altaevqa qatysty sotaldy tergeýdi aıaqtady.
"Ol kásipkerdi asa iri mólsherde para berýge ıtermelep, Qaraǵandy oblysyndaǵy ken ornyn paıdalaný kelisimshartyn uzartý úshin "laýazymdy tulǵalarǵa beremin" degen syltaýmen aldaý arqyly 1 mln dollar aqshalaı qarajatty jymqyrýǵa áreket jasaǵan", - dep jazylǵan habarlamada.
Aıyptalýshy sotqa berildi. Qazaqstan Qylmystyq-prosestik kodeksiniń 201-babyna sáıkes ózge aqparat jarıa etilmeıdi.
Pikir qaldyrý