Pavlodar oblysynyń qylmystyq ister jónindegi mamandandyrylǵan aýdanaralyq sotynda polısıa departamentiniń burynǵy bastyǵy Nurlan Másimovke, onyń eks-orynbasary Damır Sırazıdımovke jáne kásipker Evgenıı Evkovıchke qatysty isti tyńdaý kezinde prokýror sottalýshylardyń árqaısysyna jaza qoldanýdy surady.
Memlekettik aıyptaýshy Azamat Ǵarıfolla sottalýshylarǵa para aldy jáne aqsha jymqyrdy degen aıyp taǵylyp, kinási tolyq dáleldengenin aıtty.
Ol Pavlodar oblysy polısıa departamentiniń burynǵy basshysy Nurlan Másimovti 13 jylǵa bas bostandyǵynan aıyrýdy surady. Sondaı-aq, zań ókiliniń aıtýynsha, onyń Alakól jaǵasyndaǵy úıin tárkilep, para túrinde alǵan 16 mıllıon teńgeni qaıtarý kerek.
Sonymen qatar ol sottalýshyny "polısıa general-maıory" arnaıy ataǵy men İİ dárejeli "Aıbyn" ordeninen aıyrýdy, memlekettik qyzmette laýazym atqarýǵa tyıym salýdy surady.
Prokýror onyń burynǵy orynbasary Damır Sırazıdımovty 11 jylǵa, kásipker Evgenıı Evkovıchti kóligin tárkileı otyryp, 5 jylǵa bas bostandyǵynan aıyrýdy surady.
Nurlan Másimovtiń ózi de, advokattary da kinásin moıyndamaı, jaryssózde qańtar oqıǵasynan keıin famılıasyna bola japa shekkenin málimdedi.
Pikir qaldyrý