Bas prokýratýra qylmystyq kodekske "Neke qıý maqsatynda adam urlaý" babyn engizýdi qarastyryp jatyr.

"Ortalyq Azıa elderiniń tájirıbesi kórsetkendeı, Qyrǵyzstan, Ózbekstan jáne Túrkimenstannyń qylmystyq zańnamasynda kúshtep nekege turý maqsatynda áıelderdi urlaý týraly jeke bap bar. Májbúrlep nekege turý kóbinese qyzdardy bilim alý múmkindiginen aıyrady, bul olardy erine táýeldi etedi", - dedi bul týraly QR Adam quqyqtary jónindegi ýákili.

Mamandar qyz alyp qashý Qazaqstannyń ońtústiginde áli de jıi kezdesetinin aıtady. 2019 jyldan bastap búginge deıin elde 214 adam urlaý faktisi tirkelgen. Alaıda, Qazaqstannyń Qylmystyq kodeksinde qyz alyp qashý jeke bap retinde qaralmaıtyndyqtan nekege turý úshin urlanǵan qyzdar týraly naqty statısıka joq.