Atyraý oblysynyń bilim basqarmasy qaıǵyly oqıǵanyń barlyq mán-jaıyn tekserý úshin arnaıy komısıa qurylǵanyn málimdedi.
Basqarmanyń habarlaýynsha, 77 adamnan turatyn top (4 tálimger, 73 bala) "Atyraý-Astrahan" poıyzymen Jeleznovodsk qalasyndaǵy "Qazaqstan geology" sanatorııine bara jatqan. Jolǵa shyqqannan keıin 1,5 saǵattan soń balalardyń biri ózin jaısyz sezingennen keıin jedel járdem shaqyrylǵan. Ol Naryn stansıasyna kelgen jedel járdem brıgadasy balanyń qaıtys bolǵanyn anyqtady.
"Atyraý oblysynyń bilim basqarmasy quzyrly organdarmen birlesip, osy qaıǵyly oqıǵanyń barlyq mán-jaıyn tekserý úshin komısıa qurdy. Poıyzda jolaýshylar ózderi alyp kelgen tamaqty ishkenin habarlaımyz", - dedi vedomstvodaǵylar.
Qazirgi ýaqytta balanyń denesi sot-medısınalyq saraptamaǵa jiberildi. Bilim basqarmasy qaıtys bolǵan balanyń otbasyna barlyq qajetti kómekti kórsetiletinin aıtty. Atalǵan derekke baılanysty qylmystyq is qozǵaldy.
