2023 jyldyń birinshi toqsanynda qazaqstandyq qonaqúıler 43 mıllıard teńge tabys tapqan. Qańtar aıynan naýryzǵa deıin elimizdiń qonaqúılerinde 228 myń sheteldik toqtaǵan.

Mádenıet jáne sport mınıstrligi baspasóz qyzmetiniń málimetinshe, 2022 jlydyń alǵashqy úsh aıynda Qazaqstandaǵy qonaqúıler 26,3 mıllıard teńge kiris kóripti. Iaǵnı, byltyrǵy jylmen salystyrǵanda bıyl tabys 1,6 ese artqan.

Bıyl Qazaqstandaǵy qonaqúıler sany 4 myńnan asty, al olardyń ortaq syıymdylyǵy 203 myń oryn.

"Sheteldik jáne ishki týrıser sanynyń artýyna baılanysty qonaqúı qyzmeti de ósti. Máselen, jaz bastala bizdiń elge kelgen sheteldik demalýshylar sany byltyrǵa qaraǵanda úsh ese artqan.

Qytaıdan - 8,5 ese, Úndistannan - 4,7 ese, Ońtústik Koreıadan - 3,8 ese, Irannan - 3,8 ese, Germanıadan - 3 ese, AQSH-tan - 2,2 ese", - deıdi mádenıet mınıstrliginiń baspasóz hatshysy Móldir Ábdýálıeva.